مراتك ولا شغلك؟؟؟

smsmaa · #1 (**permalink**) 05-28-2008, 09:14 AM

يا جماعة الرسالة دي جاتلي علي الميل حبيت انقلهالكم

مراتك......ولا......شغلك !!!!!!!!!!!!!!!!!

(الجواب تحت)

كل نساء العالم يتهمن أزواجهم بأنهم بيحبو الشغل أكثر منهم

اول مرة يقولوا حاجة صح .............صح ليه بقي؟؟؟

لي أسبابي ومبرراتي التي أرجو منكم التفكير فيها بعين العقل:

أولا .........الشغل بيصرف عليّ .... بس أنا اللي أصرف عليها!!!

ثانيا........في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هيجيب نتيجة ...

ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك

أنما تزوغ من مراتك .. ههههههههههههه.......انت بتحلم يا جميل

رابعا ........في الشغل عندك مدير ممكن ترضيه لو اشتغلت كويس ....

إنما مراتك لو عملت قرد .. حمار .. أي حاجة مش ممكن ترضيها !!!

خامسا.......في الشغل من حقك تاخد أجازه...عندك عارض واعتيادي

دا غير يوم الجمعة....والعطلات الرسمية.....بصراحة الشغل خفيف ع القلب.....

أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهارك مالوش ملامح.....!!!!

سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... .يا حاج.......... ولما تعجز... تقولك.....يا بركه

سابعا .......الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تقعد تفكر في المحاكم والمؤخر و النفقة.. والعيال

ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........

عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين

في النهاية ... بتحب مين أكتر...مراتك ولا شغلك ؟؟

أكيد مراتك ... أحسن يوقع الايميل دة في ايدها ... تبقى مصيبة

يالا بقي حد عايز يتجوز بعد كل الكلام ده
هههههههههههه
ماتنسوووش الردود

goodmnan · #2 (**permalink**) 06-15-2008, 02:25 PM

نسيت حاجة مهمة يا أخى أن فى الشغل بيكونوا عارفين أنك ذكى وبتفهم ويعتمد عليك ودمك خفيف لكن مراتك لاترى فيك إلا الغباء وعدم تحمل المسئولية ودمك يلطش

goodmnan · #3 (**permalink**) 06-15-2008, 02:30 PM

وحدة وحشة بتقول لزوجها انا نفسى ابقى عصفورة فقال الزوج وانا نفسى ابقى بندقية

Neklawy · #4 (**permalink**) 06-15-2008, 11:49 PM

موضوع جميل يا سمسمة

والله هى حاجه محيرة فعلاً

تحياتى

Neklawy · #5 (**permalink**) 06-15-2008, 11:53 PM

اقتباس:

المشاركة الأصلية كتبت بواسطة goodmnan

وحدة وحشة بتقول لزوجها انا نفسى ابقى عصفورة فقال الزوج وانا نفسى ابقى بندقية

هههههههههه

رهيبة

تحياتى


	صور ميتسوبيشى لانسر 2008 ::: صور رائعة للنجم الصينى speranza A113 ::: اخيراً فيديو عمل جميع مهارات Fifa 2007 ::: Kaspersky Anti-Virus/Internet Security 7.0.1.325 مفاتيح حتى 2009 ▓ 23 مايــــو 2008 ::: اخر اصدارات custom booter2 للطرد من الياهو ::: سيارة ايديا الصينية الجديدة ::: هيونداى أكسنت هاتشباك 2008 ::: WINDOWS XP GOLD 2008 ( ORIGINAL CD ), Full Version Service Pack 2 with Advanced Secur ::: صور للسيارة speranza A213 ::: 5 نصائح للعناية بشعرك من أشهر مصففي الشعر الألمان :::